مەنھەج ئىسلام تورى

پەتىۋا كومېتىتى ئالىملىرى مۇنداق دېگەن: نامازدا ئىمام بولغۇچى (ناماز نىيىتىنى كۆڭلىگە پۈككەندىن سىرت) نامازدا باشقىلارغا ئىمام بولۇش نىيىتى دىلىغا پۈكۈشى يېتەرلىك. ئىمامنىڭ ئاياللارغىمۇ ئىمام بولۇش ئۈچۈن ئايرىم نىيەت قىلىشىنىڭ شەرىئەتتە ئورنى يوق. پەيغەمبەر سەللەللاھۇ ئەلەيھى ۋەسسەللەمنىڭ زامانىدا ئاياللار پەيغەمبەر سەللەللاھۇ ئەلەيھى ۋەسسەللەمگە ئىقتىدا قىلىپ ناماز ئوقۇيتتى، بىراق پەيغەمبەر سەللەللاھۇ ئەلەيھى ۋەسسەللەمنىڭ ئاياللارغا ئىماملىق ئۈچۈن نىيەت قىلغانلىقى توغرۇلۇق ھېچقانداق خەۋەر يوق. [پەتىۋا كومېتىتىنىڭ 1460-نومۇرلۇق پەتىۋاسى]

پەتىۋا كومېتىتى ئالىملىرى مۇنداق دېگەن: رۇكۇ قىلغان ئىمام رۇكۇدىن بېشىنى كۆتۈرۈشتىن ئاۋۋال ئۇنىڭغا يېتىشكەن كىشى ئىمامغا قوشۇلۇپ رۇكۇ قىلسا، ئۇ بىر رەكئەتنى تولۇق تاماملىغان ھېسابلىنىدۇ. [پەتىۋا كومېتىتى 1689]

جامائەت ئىككى ئەر بولسا  ئىمامنىڭ كەينىدە تۇرىدۇ  «فۇرقان دەئۋەت مەركىزى» تەرجىمە قىلىپ تارقاتتى

ئىمامنىڭ جۈمە خۇتبىسىدە ئىككى قولىنى كۆتۈرۈشى بىدئەت سوئال: جۈمە خۇتبىسى سۆزلەۋاتقان ئىمامنىڭ ئىككى قولىنى كۆتۈرۈشىنىڭ ھۆكمى نېمە؟ پەتىۋا بەرگۈچى: ئىككى ھەرەمنىڭ ئۇستازى، ئەللامە ئىبنى ئۇسەيمىن رەھىمەھۇللاھ

ئالدىراپ ناماز ئوقۇيدىغان ئىمامنىڭ كەينىدىكى ناماز دۇرۇسمۇ؟ فەتۋا لەجنەتۇددائىمە (7\89) دا بۇ ھەقتە مۇنداق دېيىلگەن: رۇكۇنى، رۇكۇدىن تۇرغاندىن كېيىنكى قىيامنى، سەجدىنى ۋە ئىككى سەجدە ئارىسىدىكى ئولتۇرۇشنى ئالدىراپ كەتمەستىن، تەمكىنلىك بىلەن ئورۇنداش نامازنىڭ پەرزلىرىدىن ھېسابلىنىدۇ. كىمكى بۇ رۇكۇنلارنى توخۇ دان چوقۇغاندەك ئالدىراپ ئورۇندىسا ئۇنىڭ نامىزى باتىل، ئۇنىڭغا ئىقتىدا قىلغانلارنىڭ نامىزى ئىناۋەتسىز. نامازنى تەمكىنلىك بىلەن كامىل ئورۇنداشنىڭ پەرزلىكىنى بىلگەن كىشى بۇنداق كىشىگە نەسىھەت قىلىشى كېرەك. ئەگەر نەسىھەتنى قوبۇل قىلسا ئاللاھقا شۈكر ئېيتىلىدۇ، قوبۇل قىلمىسا ئۇنىڭ كەينىدە ناماز ئوقۇلمايدۇ ۋە مۇمكىن بولسا ئۇنىڭ ئورنىغا باشقا ئىمامنى قويۇش توغرۇلۇق ئۇنىڭ ئەھۋالى مۇناسىۋەتلىك ئورگانلارغا خەۋەر قىلىنىدۇ. («فۇرقان دەئۋەت مەركىزى»)